Не удается получить доступ к сайту

Yaxshi rahbarlar xodimlar fikrini e’tiborga oladi, ulardan o‘rganadi va o‘z jamoasi uchun foydali bo‘lishga harakat qiladi. Ular boshqarishda hamisha qo‘llaydigan bir necha qoidalar ham bor.

1.
Gapirishdan ko‘ra ko‘proq eshitadilar
Agar odam juda ko‘p gapirsa, bu o‘ziga ishonmaslikning belgisi ham bo‘lishi mumkin. Yaxshi rahbar xodimlarga o‘z fikrlarini aytishga imkon beradi, chunki uni haqiqatan ham ularning fikrlari qiziqtiradi. U o‘ylashga va ishning mohiyatini chuqurroq tushunishga majbur qiladigan qiziqarli savollar beradi. Bu qanday tuzilgan? Sizga buning nimasi yoqadi? Siz bundan qanday xulosa chiqardingiz? Buni yanada yaxshiroq qilish uchun sizga nima zarur bo‘ladi?
Rahbar shu tarzda ularning har biri kompaniyaning muvofiqlashtirilgan ishi uchun muhim ekanligini namoyish etadi. Bundan tashqari u yangi foydali ma’lumotlar oladi.
1.
O‘z xatolarini tan oladilar
Takabburlik, surbetlik va boshqalar fikrini mensimaslik — rahbar voz kechishi kerak bo‘lgan xislatlar hisoblanadi. Har bir odam o‘z nuqtai nazariga ega bo‘lishga haqi bor. Rahbarlar, hatto yirik kompaniya rahbarlari ham ba’zi narsalarda xato qilishlari mumkin. Jamoa esa g‘oyalar, o‘ylab qo‘yilgan rejalar bilan o‘zaro almashish va bir-birlariga yordam berish uchun kerak.
O‘z xatolarini tan olish — bu zaiflik emas. Aksincha bunday rahbarni xodimlar hurmat qiladigan bo‘lishadi. Chunki har doim haq bo‘lishdan ko‘ra vazifani to‘g‘ri bajarish ancha muhimroqdir.
1.
O‘z nuqtai-nazarlarini qat’iy himoya qiladilar
Yaxshi rahbar barqaror xarakterga ega bo‘lishi kerak. Bu xislat kompaniya oldida jiddiy sinovlar turgan vaqtlarda muhim qarorlar qabul qilish uchun zarur bo‘ladi. U o‘z qarashlaridan qaytmasligi kerak. Haqiqiy rahbar o‘zini ham, xodimlarini ham aldamaslikka tirishib, har doim vijdonan ish tutishi kerak.